Oppo A80: carga rápida e pantalla ultrabrillo

Hoxe en día o noso móbil é unha ferramenta que sempre nos acompaña e que necesitamos en todo momento. OPPO sábeo e o seu modelo A80 ofrece unha carga rápida Supervooc de 45 W para que nunca quedes colgado.

Se tes présa e o teu móbil está case sen batería, necesitas unha carga que che encha a batería ao completo o máis rápido posible. O OPPO A80 farao en 30 minutos xa que terás ata un 50 % con media hora de carga.

OPPO A80 non queda aí. Complementa a carga ultrarrápida cunha gran batería de 5.100 mAh, deseñada para durar todo o día e manterse “como nova” durante máis de catro anos.

Chova ou viente, sempre protexido

Que o teu smartphone dure non é cuestión de sorte. E OPPO sábeo. O seu modelo A80 ten un corpo con protección 360° resistente aos danos. Este teléfono dispón dun cristal especial na pantalla que case nunca rompe.

O OPPO A80 é resistente á auga, ao po e aos choques térmicos. E se chove e cae auga na pantalla ou tes as mans molladas ou estás a suar? Seguirá respondendo.

Pantalla con ultrabrillo

Pero en Galicia non só chove. Moitas veces no verán, en lugares asollados a visión do teu smartphone dificúltase. OPPO tamén pensou niso. A pantalla do A80 é grande, brillante e nítida baixo a luz do sol. Adáptase segundo a luz do sol para que poidas seguir vendo ben sen ter que facer axustes manuais.

IA para un uso ultrarrápido

OPPO A80 vén da man das últimas novidades da Intelixencia Artificial, como a tecnoloxía LinkBoost, para que esteas máis conectado que nunca.

Os cambios de rede, as recuperacións de sinal, a estabilidade da rede e a mellora da saturación veñen da man para ofrecer unha conexión máis fluída, sinxela e constante cun uso compartido máis rápido e unha navegación máis precisa, sen importar as condicións de rede.

OPPO garánteche, como mínimo, unha fluidez perfecta polo menos durante 50 meses. Terás a sensación de ter un teléfono novo durante catro longos anos. Este teléfono envellece menos dun 10 % tras 50 meses de uso normal.