Samsung Galaxy A05s, non pagues máis para telo todo

O Samsung Galaxy A05s ofréceche unha batería de longa duración, unha boa cámara de 50 MPX e unha pantalla grande de 6,7 polgadas a un prezo insuperable. E é que non fai falta pagar máis para telo todo. Bótalles un ollo a todos os detalles.

Ideal para ver contidos no móbil

A pantalla do Samsung Galaxy A05s está pensada para que goces dunha experiencia inmersiva cando ves series ou xogas no móbil. Ten 6,7 polgadas, calidade FHD+ (1080 x 2400) e gran claridade de imaxe.

Ademais, é un móbil cómodo na man, pesa 195 gramos e mide 168 x 77,8 x 8,8 mm. Pódelo desbloquear coa túa pegada dactilar a través do sensor situado no lateral do teléfono.

Máis calidade de foto con tres cámaras

A tripla cámara traseira do Samsung Galaxy A05s captura desde paisaxes amplas ata detalles moi pequenos ou retratos con efecto desenfocado. Estas son as características das lentes principais:

• 50 MPX cámara principal: apertura f/1.8, autofocus e zoom dixital 10x.
• 2 MPX cámara macro: apertura f/2.4.
• 2 MPX cámara de profundidade: apertura f/2.4.

Mentres que a cámara frontal para selfis, con 13 MPX e apertura f/2.0, sacará uns retratos perfectos para as túas redes sociais.

Á hora de almacenar todas as túas fotos, música, vídeos… contas con 128GB de memoria interna, que podes aumentar a 1TB cunha tarxeta externa microSD. E falando de tarxetas, o Samsung Galaxy A05s é dual nano-SIM, polo que poderás inserir ata dous SIM, a túa persoal e a do traballo, por exemplo.

Batería para todo o día

Con este modelo de Samsung podes pasar o día sen cargar o teléfono, porque ten unha capacidade de 5000 mAh. E cando che toque enchufarlo, a carga súper rápida de 25 W tardará moi pouco en ter o teu móbil 100% operativo.

E así poderás seguir xogando ou utilizando as túas apps favoritas con total fluidez, a que che dá o procesador Snapdragon 680, a RAM de 4GB e o sistema operativo Android 14.

En resumo, un móbil moi completo e económico.