Name: Galaxy A34 5G
Brand: Samsung

Samsung Galaxy A34, unha experiencia alucinante

É a promesa de Samsung co seu novo modelo A34 5G e estamos seguros de que vas ter esa sensación cando o probes. Porque as fotos son de moita calidade, a batería dúrache dous días, é rápido e ten pantalla grande.

Empezamos?

Pantalla de 6,6 polgadas

O Samsung Galaxy A34 5G conta cunha gran pantalla de 6,6 polgadas e tecnoloxía Súper AMOLED. O brillo que alcanza é de 1.000 nits, para que vexas mellor mesmo a pleno sol. E a taxa de refresco, que fai que sexa fluído ver contidos, é de 120 Hz.

Ademais, resiste ao po e á auga. Está testado en auga doce a unha profundidade dun metro e uns 30 minutos. Coma sempre, “sentidiño”.

Maior calidade de imaxe na escuridade

Samsung Galaxy A34 5G incorpora a función Nightography, con melloras de estabilización óptica de imaxe (OIS) e vídeo (VDIS). Consegue máis nitidez e brillo, mesmo se está escuro. Aí debes usar o modo noite para moi bos resultados.

Ademais, as ferramentas de IA remasterizan as túas fotos, con menos movemento nas imaxes e maior resolución. Tamén podes eliminar da foto as sombras, reflexos e directamente obxectos que estragan a túa foto.

Así veñen equipadas as cámaras melloradas do Samsung Galaxy A34 5G:

Cámara principal de 48 MPX, f1.8 e estabilizador óptico de imaxe
Cámara ultra grande angular de 8 MPX, f2.2
Cámara macro de 5 MPX, f2.4
Cámara para selfis de 13 MPX, f2.2

Batería de longa duración

Outro dos puntos fortes do Samsung Galaxy A34 5G é a duración da súa batería de 5.000mAh, que pode chegar a dous días sen necesidade de enchufar.

E o mesmo co almacenamento, dura moito sen ter que descargar as fotos e vídeos ao computador. Con 128GB de memoria interna as túas fotos acompañarante durante máis tempo no teléfono. E sempre podes ampliala cunha tarxeta externa microSD ata 1TB.

Se falamos de rendemento, moi fluído na multitarefa, a experiencia de xogo ou de traballo. É o que ten a conectividade 5G, á que se suma un procesador octa-core, 6GB de RAM e Android 13.

Xa nos contarás que tal a experiencia cando o teñas nas túas mans.

como funciona o pagamento a prazos de R?
moi sinxelo. Elixes o smartphone ou dispositivo que máis che interese, enviámoscho e, a partir de aí, na túa factura mensual de R iremos descontando a cota correspondente. Sen intereses e sen ningún gasto extra.
ten custo o envío do terminal?
non. Enviámoscho de forma gratuíta. E onde ti nos digas. Adaptámonos a ti.
que pasa se estou a pagar un terminal a prazos e quero collerme outro antesde que transcorresen 24 meses?
se o necesitas (ou te namoraches dese teléfono tan marabilloso que acaba de saír), podes coller outro terminal. E despois tes dúas opcións: ou pagar as dúas cotas coa túa factura mensual (a do novo e a do anterior durante os meses que che queden) ou, se o prefires, na túa factura de R liquidamos nun único pago as cotas pendentes do primeiro terminal. E o teu novo móbil pagaralo a prazos, sempre sen intereses nin cargos extra.
por que é necesario ser cliente para poder ter un terminal a prazos en R?
cremos que é fundamental pensar nos nosos clientes. Por esa razón o pago a prazos de terminais é exclusivo de clientes de R con liña móbil. Se non es cliente, pásache R e ti tamén poderás levar un smartphone, unha tablet ou un televisor por moi pouco ao mes.
sempre teño que pagalo a prazos? Non podo compralo nun único pago?
nós ofrecémoscho a prazos porque cremos que é o mais vantaxoso para ti, xa que, como che dixemos, non ten intereses nin gastos extras. Pero se queres pagalo nunha única cota, tamén podes facelo. E lembra que, se o pagas a prazos, en calquera momento podes pedirnos que che liquidemos o que che queda por pagar.

teño dúbidas sobre

Samsung Galaxy A34, unha experiencia alucinante

págao a prazos con R