Name: GALAXY A53
Brand: Samsung

Samsung Galaxy A53 5G: se buscas moita autonomía e boa cámara

Que buscas nun móbil? Pois depende, como responderiamos aquí. Pero, por experiencia, sabemos que a batería e a cámara son as dúas características que decantan a balanza. E o Samsung Galaxy A53 5G faino moi ben en autonomía e fotos melloradas con IA.

Pero non son os dous únicos puntazos. Hai máis.

Samsung Galaxy A53 5G, batería que dura dous días

Samsung dálle moita importancia á batería no Galaxy A53. De feito, está engadida nun marco mate e máis fino.

Os seus 5.000 mAh danche para moitas horas de WhatsApp falando do tempo, para ver vídeos... a cana que lle queiras dar, porque a batería dúrache dous días.

Ten, ademais, un modo de aforro enerxético adaptativo para que che renda máis.

Se es dos que bota partidas no móbil, a batería tamén está optimizada con Game Booster, que aproveita os teus patróns de uso para mellorar temperatura e memoria.

Unha cámara que remasteriza as túas fotos

Non fai falta que che aprendas o nome AI Image Enhancer, queda coa idea de que remasteriza as túas fotos con Intelixencia Artificial automaticamente. Así ti non tes que editala ti para que quede perfecta.

E a esa perfección axuda o estabilizador óptico de imaxe OIS, que para facer vídeos conseguirás fluidez e moito detalle aínda con pouca luz.

Estas son as lentes traseiras, colocadas cun deseño moi chulo:

Cámara principal 64 MPX.
Cámara ultra gran angular 12 MPX.
Cámara de profundidade 5 MPX.
Cámara macro 5 MPX.

A cámara frontal dáche 32 MPX para selfis con efecto bokeh.

E para almacenalas e telas sempre a man no móbil, contas cunha memoria interna de 128GB, que podes ampliar ata 1TB cunha tarxeta microSD.

Pantalla que resiste á auga e potente procesador

Por fóra, como é o Samsung Galaxy A53? Deseño sinxelo para un móbil que resiste á auga e ten confort visual.

A pantalla FHD+ de 6,5 polgadas é Super AMOLED, para que ver series coma unha bala, e leva integrado o sensor de pegadas para que o desbloquees facilmente.

E por dentro? Potente en rendemento para que fagas moitas tarefas á vez con rapidez. Ten 6GB de RAM, unha RAM virtual extra e sistema operativo Android 12. Ademais, é 5G.

como funciona o pagamento a prazos de R?
moi sinxelo. Elixes o smartphone ou dispositivo que máis che interese, enviámoscho e, a partir de aí, na túa factura mensual de R iremos descontando a cota correspondente. Sen intereses e sen ningún gasto extra.
ten custo o envío do terminal?
non. Enviámoscho de forma gratuíta. E onde ti nos digas. Adaptámonos a ti.
que pasa se estou a pagar un terminal a prazos e quero collerme outro antesde que transcorresen 24 meses?
se o necesitas (ou te namoraches dese teléfono tan marabilloso que acaba de saír), podes coller outro terminal. E despois tes dúas opcións: ou pagar as dúas cotas coa túa factura mensual (a do novo e a do anterior durante os meses que che queden) ou, se o prefires, na túa factura de R liquidamos nun único pago as cotas pendentes do primeiro terminal. E o teu novo móbil pagaralo a prazos, sempre sen intereses nin cargos extra.
por que é necesario ser cliente para poder ter un terminal a prazos en R?
cremos que é fundamental pensar nos nosos clientes. Por esa razón o pago a prazos de terminais é exclusivo de clientes de R con liña móbil. Se non es cliente, pásache R e ti tamén poderás levar un smartphone, unha tablet ou un televisor por moi pouco ao mes.
sempre teño que pagalo a prazos? Non podo compralo nun único pago?
nós ofrecémoscho a prazos porque cremos que é o mais vantaxoso para ti, xa que, como che dixemos, non ten intereses nin gastos extras. Pero se queres pagalo nunha única cota, tamén podes facelo. E lembra que, se o pagas a prazos, en calquera momento podes pedirnos que che liquidemos o que che queda por pagar.

teño dúbidas sobre

Samsung Galaxy A53 5G: se buscas moita autonomía e boa cámara

págao a prazos con R