Seguidamente, informámoste do significado de cada un dos dereitos que a lexislación en materia de protección de datos che asigna, e facilitámosche información para que poidas solicitárnolos dunha forma áxil e sinxela para ti, á vez que segura.

Podes exercer calquera destes dereitos enviando un correo electrónico a docu@mundo-r.net ou ben un correo postal a Rúa Real 85, 7.º 15003 A Coruña. Con carácter xeral:

Se non es cliente, bastará con que nos indiques o dereito que queres exercer e algún dato que nos permita localizar os datos persoais aos que te refires, e se precisásemos algo máis indicarémoscho.

Se es cliente, podes usar os formularios que incluímos en cada tipo de Dereito para que che sexa máis sinxelo; debes indicarnos o teu nome e número de DNI, e enviarnos a solicitude dende a conta de correo electrónico que nos facilitaches como vía de contacto contigo, para que poidamos estar seguros de que es ti. Podes consultar cal é ese enderezo ou modificalo dende o teu espazo privado de cliente ou a través do noso servizo de atención ao cliente. Se nolo envías por correo ordinario, contestarémosche ao enderezo onde che estamos prestando os servizos, polo mesmo motivo.

Nalgún caso, relacionado co dereito de rectificación e con Guías de Abonados, ímosche pedir que nos achegues algunha documentación a maiores, polo que che recomendamos que consultes primeiro a información de detalle do dereito que queiras exercer.

En caso de actuar como representante legal, deberás enviarnos copia do documento que recolla a representación legal e copia do DNI do representante, no caso de que non nolo facilitaras previamente.