Internet Compromiso: O Bono Social de internet

Que é Internet compromiso de R?

Se tes menos recursos

Porque ninguén debería quedar excluído, R e a Xunta de Galicia comprometémonos con aquelas familias que contan con menos recursos para que teñan internet cun prezo máis baixo.

Prezos definitivos

Desde R, aínda que o bono dixital da internet teña unha duración de 12 meses, continuarémosche ofrecendo o servizo con internet ao mesmo prezo. Un compromiso contigo, para que non te quedes sen Internet.

O mellor servizo de internet

O servizo inclúe a instalación de fibra óptica na túa casa e unha conexión de fibra con 300 megas simétricos. Ademais, gozarás dun router con wifi 6, para ter a mellor cobertura wifi na túa vivenda.

Que teño que facer para desfrutar en R de Internet Compromiso e do Bono Social da internet?

Son un axente social (ONG)

Ninguén mellor ca ti para coñecer de primeira man as necesidades e a axuda que se lle pode prestar ás familias coas que traballades. Pola nosa banda, dende R, creamos a iniciativa de Internet Compromiso para botar unha man a aqueles máis vulnerables e que necesitan estar conectados.

Quero participar

Son un particular

En R creamos este servizo, co que ofrecemos unha conexión de fibra, cun internet de calidade, velocidade simétrica e wifi con 4 veces máis cobertura accesible ás familias e colectivos que necesitan banda ancha a un prezo reducido. Se es cliente de internet de R, tes toda a información máis abaixo. Se non es cliente de internet, clica no botón.

Quero participar (non cliente)

Son cliente de R

Son cliente de R. Como podo contratar Internet Compromiso?

No caso de que sexas cliente de internet de R, chama ao a 1490. Desde alí axudarémoste a contratar o servizo. Para a tramitación de Internet compromiso, é preciso que leves a documentación conforme recibes o Ingreso Mínimo Vital ou ben a Renda de inclusión social de Galicia (RISGA).

Se tes dúbidas, podes chamarnos ao 1449..

En que se diferencia o Bono Dixital da internet da Xunta e o Internet Compromiso de R?
Ambos os dous son servizos complementarios. Só que o Bono Dixital da Xunta é unha axuda que se ofrece durante 12 meses para o acceso a unha conexión de banda ancha das persoas con menos recursos. Unha vez que finalice esa axuda, en R non che imos a cobrar máis pola conexión. Ofrecémosche Internet Compromiso, convertendo así en definitivo o desconto que ofrece a Xunta do Bono Dixital. Trátase de apoiar e axudar aos que necesitan internet pero as súas circunstancias non lles permiten acceder a ese servizo.
Que é o Bono Dixital da Xunta de Galicia ou Bono Social da internet?
É unha axuda que pemite a aquelas persoas ou familias vulnerables gozar dunha conexión da internet cun desconto de ata 20 euros na factura durante un período de ata 12 meses, cun máximo de 240 euros. Podes atopar máis información e solicitalo a través da sede electrónica da Xunta.
Como podo solicitar Bono Dixital ou Bono Social de internet da Xunta de Galicia?
Para solicitar a axuda na túa conexión da internet que ofrece a Xunta de Galicia debes entrar en sede.xunta.gal
Podo acceder ao Bono Social da internet se non son cliente de R?
Calquera persoa pode solicitar o Bono Dixital ou Bono Social para gozar da internet cun desconto. Só hai que cumprir cos requisitos establecidos pola Xunta de Galicia. A partir de aí, unha vez que che concedan o bono dixital, pódeste dar de alta en R. Pola nosa banda, unha vez finalizada a axuda durante 12 meses da Xunta, converteremos ese desconto en indefinido. É dicir, pasaremos a ofrecerche Internet Compromiso, con 300 megas, pagando exactamente o mesmo que coa axuda: 14€/mes (IVE incluído).
Podo seguir gozando do Bono Dixital se me paso a R desde outro operador?
Si, poderás seguir gozando dos meses que che quedan do Bono Dixital en R.
Unha vez transcorridos os 12 meses de axuda do Bono Dixital da internet, en que prezo me queda a conexión de fibra?
En R pasarás a desfrutar de Internet Compromiso, onde che mantemos o desconto de 20€ que che daba a Xunta. É dicir, o prezo de 14€ é indefinido.
Que é Internet Compromiso de R?
Internet Compromiso é unha iniciativa de R para ofrecer unha conexión de banda ancha de fibra cunha velocidade de 300 Mb, 600 Mb ou 1 Gb de velocidade a un prezo reducido. En concreto, se cumpres os requisitos do Bono Dixital, descontámosche 20 € de forma indefinida cada mes, para que poidas gozar dun Internet de calidade.
Para quen está dispoñible o servizo da Unternet Compromiso?
Para calquera persoa ou familia beneficiaria do Bono Dixital de Internet que ofrece a Xunta Galicia, ou ben que reciban o Ingreso Mínimo Vital ou a Renda de inclusión social de Galicia (RISGA).
Podo contratar máis servizos de R xunto con Internet Compromiso?
Si. Sobre a conexión de 300 megas de fibra de Internet Compromiso podes solicitar outros servizos que necesites, como unha liña móbil ou ben a televisión.
Ten algún tipo de custo a instalación de Internet Compromiso?
Calquera instalación de fibra custa 150€. Con todo, a instalación é gratuíta se tes o servizo de Internet Compromiso durante 12 meses en R. É dicir, nese caso non habería que pagar a instalación (o custo do técnico, o material, a fibra...).
Podo acceder ao Bono Dixital se xa son cliente de R de Internet?
Non, o Bono Dixital só está dispoñible para novos clientes de Internet. Non obstante, podes acceder a Internet Compromiso e obter o desconto de 20€ de maneira indefinida, sempre e cando cumpras as condicións. No caso de que sexas cliente de só móbil, se podes acceder ao descuento de 20€ do Bono Dixital.