termos e Condicións
Termos e condicións promocionais do programa “R Trae un Amigo”
1-organizador
R Cable y Telecable Telecomunicaciones S.A. con domicilio social na Rúa Real 85. 15003 A Coruña con CIF: A-15474281, levará adiante a presente acción comercial denominada “ R Trae un Amigo”. Esta acción rexerase polas bases e condicións redactadas no presente documento. Estas rexeranse e interpretaranse de acordo coas leis españolas.
2-aceptación das bases
Os participantes inscritos no programa “R Trae un Amigo”, polo mero feito de participar aceptan expresamente as bases legais do mesmo, así como as decisións que tome o Organizador sobre as cuestións previstas sobre as mesmas. O Organizador reserva o dereito a modificar o incentivo por outro de igual valor ou superior, así como as condicións da Promoción.
Esta acción é prestada por BUYAPOWA LIMITED, constituída e rexistrada en Inglaterra e Gales co número de rexistro 7574698 e domicilio social en Unit 3, The Glasshouse, Royal Oak Yard, Londres, SE1 3GE (Buyapowa), polo que a participación supón igualmente a aceptación dos termos e condicións da citada entidade.3-participantes
Poderán participar no R Trae un Amigo todas aquelas persoas físicas, maiores de idade, residentes en territorio español, que cumpran cos requisitos definidos nas seguintes bases. Quedan excluídos desta promoción empresas ou entidades. Para ter a condición de Recomendador e, en consecuencia, ter dereito a recibir o premio detallado nos próximos parágrafos a razón de traer un amigo a R, previamente deberase ser cliente de R. Ademais, deberá ter contratado un paquete converxente con Internet (banda larga) con R, e é un requisito cumprir con todos os seus pagamentos e permitiunos que poidamos comunicarlle ofertas comerciais.
Non poderán participar na Promoción os socios, administradores, traballadores, empregados nin os seus cónxuxes ou parellas de feito, nin os parentes en primeiro grao de consanguinidade ou afinidade de calquera deles do Organizador ou de Cheque Motiva, nin das empresas que a continuación se detallan:
Das empresas do mesmo grupo empresarial Das empresas distribuidoras que sexan titulares, concesionarias, arrendatarias ou franquiciadas dos centros comerciais e/ou puntos de venda onde se venden os Produtos en Promoción. Das empresas provedoras que participen na promoción.
Das empresas encargadas da creación e xestión da campaña publicitaria.
Das empresas encargadas da impresión e difusión dos compoñentes da Promoción. En termos xerais, non poderá participar na Promoción ningunha persoa, nin o seu cónxuxe ou parella de feito, nin os seus parentes en primeiro grao de consanguinidade ou afinidade, que sexa colaborador directo ou indirecto das empresas anteriormente mencionadas ou que por calquera motivo interveña na creación ou execución da presente Promoción.4-participación
Poderán participar no ‘R Trae un Amigo’ todas aquelas persoas físicas que se rexistraron previamente, a través da ligazón proporcionada, nesta acción.
Unha vez rexistrados, os clientes (en diante chamados “Recomendadores”) deberán compartir con aqueles amigos, coñecidos ou familiares (en diante chamados “Referidos”) que non sexan clientes actualmente de Internet en R, a ligazón personalizada que recibirán a través do correo electrónico, sms ou poderán obter dende a web do programa: https://mundo-r.com/gl/plan-amigo Unha vez compartido, os Referidos deberán picar no enlace e rexistrarse. Cando realicen esta acción, quedarán rexistrados e xa poderán participar no programa e obter a súa recompensa sempre que cumpran as condicións citadas a continuación. O referido, unha vez rexistrado, terá que contratar un paquete converxente de R que inclúa Internet (banda larga) a través de calquera das canles comerciais non presenciais que ofrece R. A promoción non será válida para as contratacións en tendas físicas. Tras a confirmación da contratación por parte do Referido, nun prazo máximo de 10 días, tanto os referidos como os Recomendadores que enviaran previamente o enlace personalizado aos Referidos, recibirán un código de 40 € (en diante chamado “Recompensa”) cada un para trocar en deregaloconlafibra.com. No caso de que o Referido cancele a súa contratación ou desista do contrato, dentro do prazo estipulado pola lei, o Recomendador non recibirá a súa Recompensa, posto que a transacción non sería completa. O Recomendador poderá compartir en ligazón con tantos Referidos como desexe. O límite máximo de Recompensas que poderá obter o Recomendador será de 5.5-premios
O código de desconto de 40 € enviarase ao Recomendador ao seu correo electrónico de contacto, cando se instalaran os servizos contratados en R no domicilio do Referido, tras confirmar e validar que o Recomendador cumpre cos requisitos mencionados anteriormente (cliente de R cun contrato de banda larga e sen falta de pagamentos). O Referido recibirá o cheque regalo de 40 € ao seu correo electrónico de contacto unha vez instalados os servizos fixos no seu domicilio.
Como trocalo: Recomendador e Referido reciben no seu correo electrónico a mensaxe co premio de 40€ e as instrucións para trocalo (dáse de alta na web dos agasallos “deregaloconlafibra.com” e elixe en que quere trocar o saldo do premio). O cheque agasallo poderase utilizar para realizar compras en diferentes comercios como Amazon, Decathlon, Carrefour, Gasolineiras Repsol, El Corte inglés, Zara, etc. no website promocional deregaloconlafibra.com
As recompensas non poderán ser trocadas por diñeiro en efectivo nin calquera outra forma de pagamento.6-duración da promoción
A promoción “R Trae un Amigo” estará activa ata 31/06/2024. O organizador (R) deberá avisar, a través destas bases, cun mes de antelación a fin da mesma.
7-datos persoais
Ao aceptar as bases da presente promoción, o participante outorga a R o seu consentimento previo, expreso e informado para solicitar e almacenar os Datos Persoais que proporciona a través do formulario de rexistro. R tratará os datos persoais, que deberán ser proporcionados polo propio Participante, de acordo exclusivamente coas seguintes finalidades:
Incluílo como Participante da Promoción; Contactar co Participante no caso de que fose necesario para poder incluílo como Participante da Promoción ou calquera outro motivo relacionado coa Promoción, Proporcionarlle información e comunicacións útiles, noticias e actualizacións de produtos do Organizador; Informalo sobre ofertas e promocións novas do Organizador; Obter a súa opinión sobre os servizos e produtos do Organizador.
O Organizador comprométese a non vender e/ou ceder a base de datos que se xere con motivo da acción sen autorización dos Participantes e a adoptar as medidas necesarias para evitar a alteración, perda, tratamento ou acceso non autorizado a respecto dos mesmos. Así mesmo, ao participar na presente Acción, o Participante entende que en caso de non proporcionar os seus datos directamente ou que, de facelo, sexan datos inexactos, o Organizador non poderá cumprir coas finalidades indicadas anteriormente.
R tratará os datos persoais durante a xestión da acción, ou en tanto o Participante revogue o seu consentimento ao desistir na súa participación. Unha vez finalizada a Promoción, procederase á supresión dos datos, sen prexuízo das relacións que se puideron formalizar pola contratación de servizos de R ou outras accións promocionais. O Participante pode revogar o seu consentimento e exercer os seus dereitos de acceso, rectificación, supresión, oposición, limitación do tratamento e portabilidade enviando un correo electrónico a docu@mundo-r.com.
Se, pola contra, non está satisfeito coa maneira na que R utiliza os seus datos persoais, o Participante ten dereito a presentar unha reclamación ante a Axencia Española de Protección de Datos.
Máis información na nosa Política de Privacidade.8-aspectos xerais
O Organizador non será responsable por danos ou prexuízos que puidesen sufrir os Participantes, ou os terceiros, con motivo e/ou ocasión da participación na presente Acción declinando todo tipo de responsabilidade contractual e/ou extracontractual fronte aos Participantes e/ou acompañantes e/ou os seus sucesores, o que é aceptado incondicionalmente por cada Participante. O Organizador reserva para si o dereito a eliminar a calquera Participante que non respecte os termos e condicións establecidos nas presentes Bases.
9-xurisdición e competencia
No suposto de controversias, serán aplicadas as leis vixentes en España. As partes sométense, á súa elección, para a resolución dos conflitos e con renuncia a calquera outro foro, aos xulgados e tribunais do domicilio do usuario. A lingua utilizada será o español. A 16 de maio de 2023.