Instalación da fibra en R: prazos e dúbidas frecuentes

Cando terás instalados os servizos de fibra de R?

Un técnico de R chamarate para concertar unha cita de instalación e, en poucos días, terás os teus servizos funcionando.

Antes da visita do técnico do R ten en conta o seguinte:

⚠️ O técnico necesitará acceder ao cuarto de telecomunicacións do edificio. Se resides nunha comunidade de veciños, solicita a chave ao presidente ou administrador da comunidade.

🕒 A instalación pode durar un par de horas.

O técnico configurará internet, o servizo de TV e verificará que todo funcione correctamente antes de finalizar.

Cando se fará a portabilidade do fixo a R?

Se decidiches conservar o teu número fixo, solicitaremos a portabilidade en canto finalice a instalación.

Nun prazo aproximado de 2 días, o teu número fixo quedará portado a R.

Avisarémoste por SMS coa data exacta do cambio de operador. Cando a portabilidade se faga efectiva, só terás que conectar o teu teléfono fixo ao router que che instalamos e xa poderás gozar da túa liña fixa.

Teño que xestionar a baixa co meu anterior operador ao contratar con R?

Se solicitaches portabilidade do fixo ou da fibra, non é necesario que tramites a baixa do servizo. De todos os xeitos, recomendámosche contactar co teu operador anterior para acordar a devolución dos equipos e evitar así posibles cargos adicionais.

Se NON pediches portabilidade do teu número a R, deberás solicitar a baixa pola túa conta para evitar que continúen cobrándoche o servizo.