Compromiso R: todo o que tienes que saber ao darte de alta en R

Temos un teléfono específico para xa clientes, de atención e soporte técnico, e outro para non clientes, para informarlles sobre as nosas tarifas. 

Se necesitas falar connosco, toma nota do teléfono de contacto de R. 

No momento do alta ou uns días despois, comunicarémosche a data de instalación ou ben che enviaremos un SMS para que ti fixes a cita co técnico. Sempre tentamos instalar en menos de 7 días naturais se es un cliente particular. Se por calquera razón allea a R non se puidesen cumprir estes prazos, explicarémosche a situación e darémosche unha data de instalación alternativa.

O prazo depende do tipo de liña móbil que contrates, se é unha alta nova ou se traes o teu número desde outro operador: 

a) se non solicitaches portabilidade: nun prazo de 2 días laborables recibirás na túa casa un paquete co teléfono móbil e a tarxeta SIM (ou ben só a tarxeta SIM). Lembra que o mensaxeiro só entrega o móbil/SIM ao titular da liña, acreditado co seu DNI.

b) se portas o número do teu antigo operador:
•    nun prazo aproximado de 2 días laborables despois de que recibísemos a túa solicitude de portabilidade ou ben a verificación telefónica, recibirás na túa casa un paquete coa tarxeta SIM.
•    unha vez confirmado que recibiches o pedido coa SIM, solicitaremos a túa portabilidade e na madrugada do segundo día laborable, o teu número xa será de R.