Configura internet no teu móbil de R: APN, roaming, seleccionar operador, compartir datos…

Buscas unha forma sinxela de conectarte a Internet desde o teu smartphone e sacar o máximo rendemento á túa tarifa móbil de R? Aquí tes todo o que necesitas para configurar o teu teléfono e manter unha conexión segura, estable, eficiente e sen sobresaltos na túa factura.

Debo configurar o APN ou punto de acceso no meu móbil de R?

Para que o teu móbil de R se poida conectar a Internet, necesita o APN (“Access Point Name” nas súas siglas en inglés ou “Nome de Punto de Acceso” en galego). Se non está configurado, non poderás navegar nin utilizar aplicacións en liña.

Normalmente, ao inserir a tarxeta SIM de R no teu teléfono, o sistema configúrase de forma automática. Dito isto, algúns fabricantes non permiten a configuración remota. Se notas que non tes conexión, deberás facelo de xeito manual, seguindo as instrucións que che mostramos a continuación.

Como configurar o APN de R nun móbil Android

1. Axustes > Redes móbiles > Nomes de punto de acceso (APN)
2. Pulsa “+” o “Novo APN”
3. Introduce os seguintes datos:

• Nome: Mundo R
• APN: datos
• MMC: 214
• MNC: 04
• Tipo de autenticación: PAP ou CHAP

Como configurar o APN de R nun iPhone

1. Axustes > Datos móbiles > Rede de datos móbiles
2. Completa o Punto de Acceso da sección DATOS MÓBILES coa palabra "internet" (en minúsculas) e deixa o resto dos campos baleiros. Garda e reinicia

Como compartir os teus datos móbiles de R con outros dispositivos?

Se necesitas conectarte a internet con outros dispositivos, pero non hai unha rede Wi-fi dispoñible, poderás utilizar o teu móbil de R como punto de acceso. Desta forma, compartes a túa conexión de datos de R cun portátil, tablet ou mesmo, con outro smartphone.

Como compartir datos nun móbil con Android

• Axustes > Conexións > Conexión compartida e Módem > Conexión compartida

Nesta xanela podes consultar e personalizar o nome da túa rede e o teu contrasinal. Busca no outro dispositivo esta rede, introduce o contrasinal e xa estarás conectado.

Outra forma máis rápida de establecer conexión é escanear desde o outro dispositivo o código QR que se mostra no botón na parte inferior. Non será necesario que escribas o contrasinal e  estarás conectado ao momento!

Como compartir datos nun iPhone

• Axustes > Punto de acceso persoal. Activa “Permitir a outros conectarse”

Como seleccionar de forma manual o operador de rede no meu terminal?

O teu móbil conéctase automaticamente á rede de R, pero podes ter activada a selección automática do operador de rede para que se conecte á mellor cobertura cando saias de España.

• En que casos pode ser útil desactivar a selección automática do operador?
• Zonas fronteirizas: para evitar que o móbil se conecte a redes estranxeiras e se xeren custos de roaming adicionais.
• Fallos de cobertura: se a rede seleccionada automaticamente non ten un bo sinal, podes elixir outra dispoñible.
• Viaxes ao estranxeiro: así poderás conectarte a un operador local que teña mellor cobertura ou tarifas máis económicas.

Como se activa ou desactiva?

• Android:

  Axustes > Redes móbiles > Operadores de rede > “Selección automática”

• iPhone:

  Axustes > Datos móbiles > Selección de rede

Itinerancia de datos ou roaming. Que é e cando a debo activar en R?

Cando viaxes fóra de España, a itinerancia de datos ou roaming permíteche seguir conectado para chamar e navegar. O teu móbil de R conectarase a redes móbiles de cada país, para que poidas usar internet, enviar mensaxes e facer chamadas coma sempre, aínda que non esteas en España. Indicámosche nesta ligazón como activar ou desactivar esta opción na túa liña móbil R.

✅ Cando é útil activar o roaming en R?

• Se viaxas ao estranxeiro e queres seguir usando o teu móbil de R como na casa.
• Se a túa tarifa inclúe roaming gratuíto na UE, podes navegar sen custo adicional dentro destes países. Lembra que fóra da UE o roaming sempre ten custo.
• Para recibir mensaxes de apps como WhatsApp, consultar mapas, correos ou usar redes sociais mentres estás fóra.

❌ Cando é mellor desactivar o roaming en R?

• Se estás nun país que non pertence á Unión Europea, porque o roaming podería ter un custo elevado á hora de chamar ou navegar.
• Se non necesitas conexión móbil e prefires usar só wifi.
• Para evitar que o móbil se conecte automaticamente a redes estranxeiras en zonas fronteirizas.

Antes de viaxar, revisa a túa tarifa ou consulta na nosa web as tarifas de roaming en R por países, para saber se o teu destino ten ou non custo en roaming.