​​Como é a miña derradeira factura se me dou de baixa?

R factura os servizos mentres ti os desfrutas, polo que deixaremos de facturar as cotas mensuais dos servizos prestados nun prazo máximo de 48 horas hábiles dende a recepción da túa solicitude de cancelación. A partir dese momento xa non poderás facer máis consumos, polo que se facturarán os consumos que fixeras ata esa data e, caso de que non os devolveras, tamén se facturarán os equipos. Se tes equipos de aluguer no teu domicilio (descodificador de televisión, router ou cable módem para acceso a Internet, terminais telefónicos, etc.) lembra que debes devolvelos nunha das nosas tendas R.

O período de facturación en R vai dende o 22 dun mes ata o 21 do mes seguinte, de xeito que, por exemplo, se solicitaches a baixa o día 25, recibirás a túa factura un mes despois, onde se facturan as cotas e consumos correspondentes ao período ata o momento da baixa, do 22 ao 25.

Se tes un compromiso de permanencia con R ou se instalamos sen custo a fibra na túa vivenda ou no teu negocio a cambio de que esteas connosco durante un tempo, emitiremos a derradeira factura coas cotas e consumos que fixeras, así como a penalización pertinente.

Se solicitas a baixa ou portabilidade a outro operador dunha liña móbil R que ten vinculado un terminal na modalidade de pagamento a prazos, o terminal autoliquídase, polo que na seguinte factura aparecerá un concepto co importe total de todas as cotas pendentes de pagamento do terminal, así como da cota final, se corresponde.

Acontecerá o mesmo no caso dun cambio de titular, xa que o compromiso de financiamento adquíreo un titular e non se transfire.

Os equipos R, como o router ou o deco 4K con Android TV, son da nosa propiedade, polo que cómpre devolvelos unha vez que solicites a baixa. Recibirás unha comunicación con indicacións para entregalos nunha das nosas tendas R, onde che daremos un xustificante de que os devolviches. En caso contrario, facturarémosche o importe dos equipos correspondentes. Poderás consultar o importe do cargo por reposición/non devolución en tarifas oficiais.