Restrinxir chamadas saíntes desde o fixo de R

Contámosche as diferentes restricións que tes dispoñibles no teléfono fixo de R. Non podes restrinxir chamadas a números concretos, pero si a determinados tipos de números (móbiles, chamadas internacionais…). Isto permíteche ter un maior control sobre o tipo de chamadas que se fan desde o fixo e controlar o gasto.

Contacta con Atención ao Cliente de R se necesitas eliminar ou aplicar algunha restrición.

Restrición no fixo de R os números de tarificación adicional

Para protexerte de cargos inesperados, cando dás de alta a túa liña fixa con R, bloquéanse de forma automática todas as chamadas aos números de tarificación adicional (son todos aqueles números que empezan por 803, 905, 806, 807 etc.)

É unha restrición que se aplica por defecto en todos os fixos de R e está pensada para previr que pagues máis, xa que adoitan ser números cun custo elevado.

Queres máis información?

Consulta a nosa sección Consellos para evitar consumos fóra da túa tarifa.

Restrinxir as chamadas internacionais no fixo de R

❌ A tarifa do teu número fixo de R non inclúe chamadas a números internacionais. Calquera chamada a un número estranxeiro ten custo. Consulta nas nosas tarifas actualizadas os prezos por país de destino.

Se o prefires, contacta connosco e pídenos que apliquemos unha restrición a números internacionais para non levarche sustos na túa factura de R.

Restrición no fixo de R de chamadas a móbiles e de todas as chamadas saíntes

No noso teléfono fixo de R incluímosche moitos minutos de chamadas a outros fixos nacionais. Se necesitas chamar a móbiles, tamén temos bonos específicos de chamadas a móbiles.

No caso de que o necesites, podes restrinxir no teu fixo de R as chamadas a móbiles ou todas as chamadas saíntes (excepto a números de emerxencia).

Por que non podo realizar chamadas no meu fixo de R?

Se non podes realizar chamadas a móbiles ou che dás conta de que non podes realizar ningunha chamada, é posible que teñas activada unha destas restricións.

Para resolvelo, recomendámosche anotar os números aos que non tes acceso e consultar connosco.