Que facer se che rouban o móbil ou o perdes

O teu smartphone non é só unha ferramenta, garda momentos únicos, como fotos e mensaxes, pero tamén che dá acceso a moitas aplicacións moi útiles no teu día a día, como a banca online ou o correo electrónico. Por iso, perdelo ou que cho rouben pode ser un momento complicado e actuar rápido é fundamental para protexer os teus datos.

Que podo facer se perdo o meu móbil ou mo rouban?

O máis urxente é bloquear o teu cartón SIM para que ninguén poida facer uso da liña ou aceptar mensaxes de autenticación no teu nome. Contacta con Atención ao cliente e axudámosche.

• Chama gratis ao 1449
• Se estás no estranxeiro, chama ao +34 698 111 449
• Contáctanos por WhatsApp no 604029777

Se máis tarde o atopas, non pasa nada, avísasnos e desbloqueámosche o cartón para que poidas seguir usándoo.

En caso de roubo, precisarás un duplicado do teu cartón SIM. Ao solicitalo, anúlase o cartón anterior e enviámosche un novo ao teu domicilio ou, se prefires, podes acudir a unha tenda R e xestionámoscho no momento.

Que pasa coas miñas contas e datos persoais? Recomendámosche:

• Cambiar os contrasinais das túas contas máis importantes.
• Activar ou reforzar a verificación en dous pasos.
• Se tiñas activadas as copias de seguridade na nube (Google Drive, iCloud etc.), poderás restaurar os teus datos ao configurar un novo dispositivo.

Podes solicitar o bloqueo do teu teléfono para que ninguén o poida utilizar

Podemos solicitar o bloqueo do teu móbil para que ninguén máis o poida usar en ningún outro operador nacional. Para facelo, é imprescindible que presentes unha denuncia ante a Policía.

  Escríbenos por WhatsApp ao 604029777 e envíanos a seguinte información:

• Correo electrónico
• Nome e apelidos
• DNI/NIE
• Número de IMEI
• Número de denuncia
• Data do roubo
• Data da denuncia
• Achegar a denuncia en formato .pdf, .jpg, .jpeg, .bmp ou .png.

Se estás interesado nun novo teléfono, podes acceder ás nosas ofertas de Renove na web.