Xestiona o teu SIM se es cliente autorizado de empresa

Dende o módulo “SIM” como autorizado de empresa podes realizar 3 accións para cada liña móbil dos teus empregados:

• Consultar o PUK da liña
• Bloquear / desbloquear o cartón SIM
• Cambiar / activar o cartón SIM

Como consigo o código PUK?

Cando se introduce un código PIN erróneo 3 veces seguidas o teu SIM móbil R fica automaticamente bloqueado. Para desbloquealo, precisas o código PUK do teu cartón SIM. Este é un código de 8 cifras que unha vez introducido desbloqueará o teu cartón SIM. 

Na opción As miñas liñas do teu Portal de Autoxestión, selecciona a liña do empregado e no módulo SIM atoparás o detalle do código PUK.

Como introduzo o código PUK para desbloquear o meu SIM?

Cando xa teñas o código PUK, deberás teclealo no menú de chamadas do teu móbil co SIM bloqueado:

• Se na pantalla do móbil aparece unha mensaxe pedíndoche o PUK, tes que introducir o código e seguir os pasos que se che indiquen.
• Caso de non aparecer ningunha mensaxe, deberás introducir a seguinte secuencia: 

**05*PUK*novoPIN*novoPIN#

Tamén podes conseguir o teu PUK

No soporte de plástico no que recibiches o teu cartón SIM. É o número de 8 cifras que se atopa á dereita do PIN.

Como bloqueo ou desbloqueo o cartón SIM?

Na opción As miñas liñas do teu Portal de Autoxestión, selecciona a liña do empregado e no módulo SIM atoparás a función “Bloqueo ou desbloqueo de Multi SIM”, como autorizado poderás seleccionar calquera dos cartóns SIM que a liña teña asociados e premendo no compoñente desprazable que aparece á dereita, bloqueas ou desbloqueas o cartón SIM.

Esta opción é a mellor maneira de actuar se o teu empregado extravía ou lle rouban o teléfono. Bloquea a liña canto antes para minimizar o dano nestes casos.

Solicita un duplicado e activa un novo cartón SIM

Para que o teu empregado poida seguir utilizando a liña de empresa, cómpre un duplicado de cartón SIM. Acude ao punto de venda máis próximo, consulta o noso localizador de tendas. E se non dispós de punto de venda na túa localidade, chama 900 815 825 e contacta co teu xestor persoal.

Lembrámosche que:

• O custo deste novo SIM é de 7 € IVE incluído.
• Podes activar este novo SIM na área de cliente empresa: accede a https://portalclientes.mundo-r.com coas credenciais de autorizado.
• Na opción As miñas liñas, selecciona a liña do empregado e no módulo SIM “Cambiar ou activar un SIM”, introduce os números do cartón SIM que queres activar e preme no botón “Validar Cartón”. Se o número introducido cumpre as validacións, habilitarase o botón “Activar / Cambiar” para que se active a mudanza ao premer nel.

Se o cambio do teu cartón é debido a perda ou roubo e bloqueaches previamente a liña de R para impedir o seu uso indebido: após activar o teu novo cartón SIM debes desbloquear a liña para que volva funcionar con normalidade.