factura electrónica de R: información básica, cambio de conta bancaria, consulta de consumos...

A Factura Electrónica de R ten a mesma validez legal que a factura en papel, xa que está protexida co certificado da sinatura electrónica da Fábrica Nacional de Moeda e Timbre. Ademais disto, conta con outras vantaxes engadidas:

Sen esperas: xa non é preciso esperar o correo ordinario. Só tes que conectarte a Internet para acceder a ela.

Sen acumular papel innecesariamente: coa Factura Electrónica en calquera momento podes consultar as túas facturas dos últimos anos, ademais de arquivalas, imprimilas ou descargalas sen amorear papel na casa.

Nós avisámosche: mensualmente recibirás unha mensaxe na que se che dirá que a túa factura xa pode consultarse na Área de cliente R.

Histórico de facturas: a través da Área de cliente R terás acceso ás facturas dos últimos 3 anos, para poderes consultalas, descargalas ou imprimilas cando queiras.

Accederás a toda a información sobre facturas no menú “Facturas” da Área de cliente R

Nesta xanela poderás tanto modificar a túa conta bancaria como consultar e descargar en PDF todas as facturas dos últimos 3 anos.

Se despois de premer na descarga   non podes vela, proba a revisar a configuración de seguridade do teu navegador. Se cadra o navegador non che permite ver as xanelas emerxentes. Neste caso, para poderes ver as facturas, cómpre que actives a función “permitir as xanelas emerxentes” no teu navegador.

Para consultar o teu consumo de datos en calquera momento do mes, só debes acceder ao produto que desexas consultar dende a Área de cliente R. Informámosche de cantos datos che quedan por desfrutar na túa tarifa. Se a túa tarifa é de datos ilimitados veralo así:

Tamén podes consultar o teu consumo de chamadas, poderás consultar cantos minutos van consumidos ata agora e o detalle destes premendo en “Ver chamadas”.